Salve Mater misericodiae,
Mater Dei et Mater veniae,
Mater spei et Mater gratiae,
Mater plena sanctae laetitiae, O Maria.
R/. Salve Mater
Salve decus humani generis,
Salve Virgo dignior ceteris,
Quae Virgines omnes transgrederis
Et altius sedes in superis, O Maria.
R/. Salve Mater
Slave felix Virgo puerpera;
Nam qui sedet in Patris dextera,
Caelum regens, terram et aethera,
Intra tua se clausit viscera, O Maria.
R/. Salve Mater
Te creavit Pater ingenitus,
Obumbravit te Unigenitus,
Fecundavit te Sanctus Spiritus,
Tu es facta tota divinitus, O Maria.
R/. Salve Mater
Te creavit Deus mirabilem,
Te respexit ancillam humilem,
Te quaesivit sponsam amabilem,
Tibi numquam fecit consimilem, O Maria.
R/. Salve Mater
Esto mater nostrum solacium;
Nostrum esto to Virgo gaudium;
Et nos tendem post hoc exsilium,
Laetos lunge choris caelestium, O Maria.
R/. Salve Mater