Skip to content (Press Enter)
- Vexilla Regis prodeunt:
Fulget crucis mysterium;
Qua vita mortem protulit,
Et morte vitam pertulit.
- Quae vulnerata lanceae
Mucrone diro, criminum
Ut nos lavaret sordibus,
Manavit unda et sanguine.
- Impleta sunt, quae concinit
David fideli carmine,
Dicendo nationibus:
Regnavit a ligno Deus.
- Arbor decora et fulgida,
Ornata Regis purpura,
Electa digno stipite
Tam sancta membra tangere.
- Beata cujus brachiis
Pretium pependit saeculi,
Statera facta corporis,
Tulitque praedam tartari.
- O Crux, ave, spes unica,
Hoc Passionis Tempore
Piis adauge gratiam
Reisque dele crimina.
- Te, fons salutis, Trinitas,
Callaudet omnis spiritus:
Quibus crucis victoriam
Largiris, adde praemium. Amen.